مابقالي مـن وصالـك غيـر روح
صابره ياشوق واعيتهـا الجـروح
أه لو تدريـن عـن نـار الفـؤاد
خلت الدمعه مـن عيونـي تفـوح
قربينـي منـك لا تبـعـد بعـيـد
لا تغادرنـي بعـيـد ولا تــروح
ظامي الأيـام مـن يـروي ظمـاه
دامك انت المورد العذب الشحـوح
صارت ايامي خيـال ٍ فـي خيـال
بعد ما حطمتي في صدري طمـوح
يازماني ويش بقالي من نصيب ؟!!
هو رحيق الورد او سـم ٍ ذحـوح
الوكاد انـي بهـا الدنيـا غريـب
مثل ظل الليل في عيـن الوضـوح
والهدايـا منـك الـوان السـراب
ما بنينا منك يالماضـي صـروح
ادفنيني مـع حروفـي لا انتهيـت
واغفري لي زلتي بقلـب ٍ سمـوح
واسكبيهـا دمعـة ٍ بعـد الفـراق
اسكبيها بصمت ما ابيهـا تنـوح
ولا اسألوك الناس عن سر الدموع
وادري ان الدمع للصابـر فضـوح
قولي انه شاعـر ٍ عـاش بظمـاه
وما تقاطر في شفاهه غير (روح )